कविता

  सुनुवार मुलिचा

कति मिठो बात बोल्यौ...
कति मिठो बात बोल्यौ प्रिय मनमै समाउने
छोटो एकै ईशारामा तर जुगै गलाउने
झुल्किएर मेरो मनको आकाशमा तिमी
भावनामा रङ्ग पोत्दै किरण झल्मलाउने
सुनाखरीले कोरेको रैछ क्यारे भाग्य मेरो
विधाताले रचेको हो कि मिठो काव्य हाम्रो
झुक्किएर कैले नि फेरि तिमी नहराउनु नि 
मनको गोजी छाने मैले लुकाउने ठाउँ राम्रो
जुनको रात तारा गन्दै बिताएको याद छ
घामको दिन क्षितिज हेरी टोलाएको थाह छ
अल्झाएर मनमा काँडा टाढा नआउनु नि
मिसाएर जीवनको डोरी एकै गाँठो पार्नु छ
कति मिठो...
छोटो एकै...